Ram Le Miphun Hrangah CNO/CNDF

Tuitum Thalpau dothlennak (Spring Revolution) ah Myanmar rampi huap in miraltha 700 luan nih khua le ram hrangah nunnak an pek zo a si.

Cumi sungah Chinmi 22 nih nunnak an liam zo ih, Falam milesa hi minung pa 10 an tel ve, zatek 50% zik lai kan si tinak a si. Curuangah, khua le ram hrangah nunnak liamtu tambik kan si vekin, kan mipi pawl humhimnak hrangah pawlkom pakhat nei thei dingin kan beisei lai ah, atu vekih Chin National Organization (CNO)/ Chin National Defense Force (CNDF) a rak dinsuak theinak parah kan lung a awi zet.

Chinmi sung ihsin hriamhreikai bu-5 a um zo ih, cumi lakah CNO/CNDF hi kan milesa pawl humhimnak ding hrangih mawhphurhnak tuanvopi neibik an si vekin, kan mipi lam in tla CNO/CNDF ah thazang kan pek cio dingah kan lo sawm duh.

Kan Falam milesa tambik umnak Chinram, Falam Peng le Lairawn(Kalay) humhimnak hrang tumtahnak thawn dinmi CNO/CNDF ih tulsamnak pawl tawlrel ding hrangah tla Chin Crisis Relief Funding Committee timi din a si ih, mah le khua kip ih kan palai pawl hnenah pehtlaih in tanpinak nei cio dingah tla kan lo sawm duh fawn.

Kan umnak hmun cio in- CNO/CNDF hrangah thlacamnak in siseh, ruahnak peeknak le sumpai thawh khawmnak in hmalaak cio uh si. Kan mino tete pawl nunnak thap in khua le ram hrangah an zuam rero mi parah thazaang kan peek cio pei uh.

“Go Forward CNO/CNDF”

(We Stand With Falam CDM Heroes)

Leave a Reply

Your email address will not be published. Required fields are marked *