Ralring : Hakha khawsung ah Mino pakhat hruaiin Ralhraang pawl in mi an hawl

Hakha : December 24 ah Thlacam Tlang ih fehtu ralhraang SAC ralkap pawl ih kaihkhihtuar mino kum 16 mi cu tuini December 28 ah ralhraang SAC ralkap pawl in khawsung ah an vahpi a si.

Dothleng cangvaihnak thawn pehpartu khawmi pawl hawl dingah ralkap pawl in Hakha khawsung ah an vakpi tiah Chin Human Rights Oraganization in official in thu an suah.

Cuitlunah suakthuan mino pakhat khal ralhraang kaih tuar pawl thusutnakhmun LIB 266 ah hrenkhih in a um ih na zetih hrem a tuar ding an phang thu khal CHRO cun a tarlang cih.

Christmas boruak hrawngah SAC ralkap pawl, a thupthiar in khawsung ah cangvaihnak an nei ih December 17 ah Hakha khuatharveng ah mi 2 an kai zo.

Tuini khal ah nunau telin mi 2 an kai bet tiah theih a si ih, cute 2 cu ralhraang pawlin khawsung ih an vakpimi mino pakhat ih khihhmuhmi a si le silo cu theih fiang a si lo.

 

Leave a Reply

Your email address will not be published. Required fields are marked *