RALRING : Kalaymyo Covid 19 mina thar thu ah, mipi kan fimkhur ṭul

Myanmar ram Harhdamnak le Lehpannak zung in 2020 september 20 zing nazi 8:00 ih thu a than mi ah ramsung Covid 19 mina 393 hmuhsuah a si bet ti a si ih cu pawl lakah Kalaymyo Sanmyo ih um fala (kum 17) pakhat a tel ve.

Kalay, Sanmyo Ward 4/7 ih Covid-19 mina thar numi hi Yangon, hmun ṭihnung ih ruah mi ihsin ra tlung mi a si lo ruangah a hung tlun (7.9.2020) ah quarantine cih a si lo.

Mawțaw a topi mi pahnih in Covid-19 an ngah thu an theih hnu lawng ah quarantine (15.9.2020) mi a si ih 20.9.2020 ah Covid-19 a nei ti hmuhsuah a si.

Innsang minung 4 an si ih a sungkua dang pawl cu quarantine ding in hruai an si zo. A leng ah ni 8 a um ruangah a mah naivai contact tracing țul mi a um men thei ti a si.

Hivek dinhmun kan si ruangah kam umtlanlennak cio ah fim khur ten um tlang uhsi.

Leave a Reply

Your email address will not be published. Required fields are marked *