Ralring : Falam khuasung ah Mibum hmang mipakhat a vaktawi

စိုင်းထက်မြက် ka si tiawtu mipakhat cun Falam khuasung ah Pastor, Bible le Biakinn hmin sal in innsungsang pakhat hnen ah paisa kyat 170,000 a bum tum.

Cuih thu cu innsangpabik in khuasung um pawl ralrinnak dingah ti`n FB cahmai ah a tarlang ih kan run lo hlawm sawng a si.

“Khual nai ka tlawng lai ah ka fanu in, in call ih “mipakhat cun Cabu man in dil” a ti. “Ṭul poimawh hmanhmawhdeuh vekin a simaw ih paisa kyat 170,000 cawilawk dingin in dil” a ti.

Ka fanu in, in call mi a si ruangah cupa cu ka vun biak ve cih. Amah cu hmaikhuh a bun ih စိုင်းထက်မြက် ka si a ti aw. —biakinn ihsin ra mi ka si a tiaw ih katheih ciangmi Pastor hmin sal in “a mah in Cabu pawl in pek fial. Cun, biakinn lam ah ka kir sal ding” a ti.

“Bible man pek ding nan remcang hrih lo a si le zaanlam nazi 5 ah ka ra sal ding” a ti. Phone thawn in sim ciang lawlaw aw ka ti nan connection a ṭha lo a ti ih Phone a thlak cih.

Zaanlam nazi 5 tiang suah ti a neilo ruangah Pastor hmin a sal mi ka vun phone cu zianghman ka theilo in rak ti. Phone number a tantami khal a lem a rak si ih thuhla umdan cu palik zung ah ka report cih.

Amah cu mitawl lam, taksa var, kehlam kut ah tattoo a cuk ih addidas lukhuh dum a khuh. Hmaikhuh a bun ruangah a hmel hmufiang thei a si lo.

Cuvek dinhmun a si ruangah ka khuapi bum an tuar ding ka phan ruangah hih ca ka ngan nak san a si.

Ahmutu nan um pang a si le a tanglam phone number ah pehtlaih theih a si.

နယ်ထိန်းရဲ
09-267940007
(သို့)
070-40009 (မြို့နယ်ရဲစခန်း, ဖလမ်း)

Leave a Reply

Your email address will not be published. Required fields are marked *