Ralring : Birth Certificate Lem zuartu an kai

Mizoram, Serchhip peng, Thenzawl khawmi Zirkhawnghaka, kum 67, cu Zokhawthar palik pawl in Birth certificate Lem caphek 56 thawn an kai ih, a hnen ihsin ID leitu nan um pang le tisiat lohli dingin theihter nan si.

Kan ram buainak ruangah Mizoram ah raltlan dinhmun ih khawsa harsat ruangah hnaṭuannak lole khualtlawn sukso olsam deuh pangah ti`n a hnen ihsin ID Lem a si ti thei lo ih rak leitu Chin raltlan an um pang thei ruangah hitiih thu kan than nak san a si.

Mizoram palik thusuah vek a si le ID Lem zuartu Zirkhawnghaka cu central Jail ah damsung thawngthlak mi a si nan, thu phunphun ruangah caan malte sung thlah sal mi a si ih, Birth certificate Lem zuar in paisa hawl a si.

Amah thawn pehpartu Zokhawthar khawmi Daniel Malsawmdawngliana Sailo, kum 45, khal Birth certificate Lem a zuar ruangah an kai tel cih.

Hih thu hi zirzoi vivo ding a si ih, ID Lem hmang cu daan kalh Thawngthlak theih a si ruangah Mizo palik in khawtlang mipi ralrin an pe cih a si.

Leave a Reply

Your email address will not be published. Required fields are marked *