April thla thok ih mihlo Chinpa cu thi cia in a ruak an sar

April 7 ihsi hlo thok Salai Ezekial cu April 14 zing ah thi cia in a ruak an sar tiah theih asi.

Salai Ezekial cu KCA (Kalay Civil Army) ralkap a si ih SAC ralkap in Tahan ralkham buuk an siim ṭum April 7 ihsin a hlo thok tiah a ralkappi KCA ṭuanvonei mipakhat in a sim.

Amah hi Kalay phunsang tlawng ih zir lai a si ih ralkap ukhruainak dodal dingin KCA ralkap ih lutmi a si.

A ralkappi rualṭha mino pakhat cun “SAC ralkap in April 7 ih in siim ṭum ah kan relh nak an thei suak ih kan zaten ka ṭhenṭhek aw thluh. Miṭhen cu beunak hawl in Carmel tlang ah an relh. Cuih hmun in a tla that tiah kan thei” a ti.

Paralṭha KCA ralkap Salai Ezekial ih ruak cu a suahsemnak khua ah vui liam dingin tawlrelnak an nei tiah theih a si.

April 7, Tahan ih doawk ṭum ah mipi lam in mipahra luan an thi ih minung 18 cu kaihkhih an tong. Cupawl lakah mi 7 cu an thalh zalen sal tiah theih a si.

Leave a Reply

Your email address will not be published. Required fields are marked *