Ralkap tirhkoh sidingih ruahmi mipali cu Hakha mino in Hrem

Hakha mino pawl in March 8 ah Myanmar ralkap tirhkoh si ih ruahmi mipali an kai ih khuatlang mipi hmai ah mual an phoh.

An kai mi 4 ah pahnih cun Lai ṭong an thiam ih pahnih cu kawl le Lai cawkpolh ih ṭong an si.

Hakha ah misual le thilfirhmang mino in an kaih tikah ningzak mualpho dingin le rim dingin hrem an si ṭheu ih atui ralkap palai siding i rinhleh mipali khal cu khuatlang mipi hmai ah maulpho dingin an hrem.

Hih thuthawn pehpar in mino pakhat cun “An pali in an simmi pakhat hman a bangaw lo. Lung le hridai khal an keng. Cun, zuk kan ben mi tipawlkhal an phok. Rinhleh an um deuh ruangah kan kai mi a si. Kaihkhih hreng dingin cu kan kai lo. Amah belte hminsinnak ah ti`n an mit hmul kan ziat sak thluh” tiah The Hakha Post hnen ah asim.

Nunnakliam tiang ralkap ukhruainak sualngamtu an um lai ah mipi palbektu ralkap riangri rakbawm thuptu rampihuap hmuntamzet ah hmuh ding an um.

Cupawlcu, kaih ngah an si tikah mipi lam in nasaten hremnak an pe ṭheu. Tubaite khalah Kalaymyo ih um ralkap palai tei` innsang cu an khua in dawisuak an si ih khawdang an cer tumnak khalah mipi in an rak cohlang duhlo tiah theih a si.

Leave a Reply

Your email address will not be published. Required fields are marked *