Ralkap pawl cun Lai Meithal lawng siloin Lai Naamtong le Hriamhrei dangdang khal ap dingin thu an suah

Ralkap cozah in Myanmar ramsung hmunkip ih khuatlang mipi meithal le hriamhrei kol pawl cu an neih mi hriamhrei pawl ralkap kut ah ap ṭheh dingin March 24 ah thu an suah.

Chinram khalah license nei Lai meithal koltu pawl khal ralkap kut ah ap thluh dingin thu an suah tiah theih a si.

Kanpalet phei ahcun March 25 in ralkap le palik pawl in khuasung lutsuaknak ziin an kham ih khuasung vak sukso pawl kham in thu khal an sut ih an taksa tiang an dap sak tiah ramsung media ṭhenkhat in an tarlang.

Cuihtlunah phunhnam Lai Naamtong pawl khal an kai tiah theih a si ih Lamziin ih bike vak sukso pawl khal kham in an bike toolbox an check sak hlei ah datsi palang an retmi tivek khal an long tiah ramsung media ṭhenkhat in an tarlang.

Ralkap pawl in Meithal hriamhrei ap ding an timi thuthawn pehpar in hminthup mipakhat cun “atufang hi Meithal Hriamhrei pawl ap ding maw dinglo tiah kan ruatbuai lai fang a si. License tuah mi meithal khal ap ding an ti. Ap lo sehla a ṭhasawn men ding” a ti.

Leave a Reply

Your email address will not be published. Required fields are marked *