Ralkap le Palik bawi in Ralthuam famkim thawn CNDF an pan

Chin ramkulh, Falam peng, tatyin ခလရ 268 ih ralkap pakhat siseh, Tibual ih ralkap bawi (တပ်ကြပ်ကြီး) pakhat le Palik bawi (တပ်ကြပ်ကြီး) pakhat pawl cun ralthuam famkim thawn CNDF hnen ah CDM an tuah tiah theih a si.

Cuih thu cu CNO/CNDF khalin felfaiten tlangthannak an nei ih “lawm man sumsaw kan pe hnu ah hmun him ah kan kuat” tiah thu an suah.

CNO/CNDF thusuahmi ahcun mipi palik 8 le mipi ralkap 2 khalin September thlasung ah in kop zo tiah an ngan tel a si.

Cuihtlunah CNO/CNDF cun Dothlengnak hmasawn thei dingin le hlawhtling thei dingin ralkap le palik pawl in mah le naibiknak mipi humtu ralkapbu kop cio dingin forhfial dilngennak a nei cih.

Leave a Reply

Your email address will not be published. Required fields are marked *