Ralkap kut tuar Paralṭha Salai Lal Dan Sang ih Ruak an la thei

April 7 ah ralkap kut tuar ih thi Paralṭha Salai Lal Dan Sang ih ruak cu April 8 ah a sungte pawl in an la suak thei thu theih a si.

April 7 ah SAC ralkap pawl in bomb le meithal phunphun thawn Kalaymyo mipi kilhimtu umhmun khuarnak an kah nakah mi tamzet an thi ih kaihkhih mi khal an nei.

Culai ah Sanmyo veng ih um Salai Lal San Dang cu a sungte pawl in an pehtlaih thei lo ih a thi maw kaihkhih a tuar ti khal an thei lo.

Social media lam ah zo a si ti theih lomi miruak hmuhsuah a si thu tarlangmi an hmu hnu lawng ah ngaihvennak an nei ih, cu hnu lawng ah a thi thu an thei suak mi a si.

A ruak hi SAC ralkap pawl in an lak ih an kut sung ta cu April 8 zaanlam nazi 4 hrawngah a sungte pawl in an la suak thei sal a si.

Kum 25 mi Paralṭha Salai Lal Dan Sang ih ruak cu April 8 zaanlam nazi 6 hrawngah Tahan thlanmual ah an phum tum tiah Chinlung Today in a ngan.

Leave a Reply

Your email address will not be published. Required fields are marked *