Ralkap kut tuar in Pa Go Sian Mung mual liam

SAC ralhraang kut tuar in Chin pacangṭha kan sung lala

Tedim khuami Pa Go Sian Mung cu May 16, zaan nazi 8:30 hrawngah ralkap kut tuar in a thi thu Sakollam Baptist Chruch thuthannak thawngin theih a si.

A suakvaknak hmun in mawṭaw cycle thawn inn a tlunglam BEHS No. 1 gate kiangah ralkap pawl in an kap that.

Hminthup khuami mipakhat cun “athuhla cipciar in kan thei lo. A lengnak hmun in inn a tlunglam ah ralkap pawl in an kap that tiah in sim. Nazi 8 hrawngah bombpuak thawm kan thei ih meithal puak awn tla kan thei. Amah hi nupi fanau thawn carmel veng ih um a si” a ti.

May 16, zaan nazi 8 luan hrawngah Tedim khualuhnak ah SAC ralkap le mipi humtu ralkapbu doawknak a suak ih ralkap lam amalbik mi 4 an thi tiah Tedim hrambun media ṭhenkhat in an tarlang.

Kahdonak hmun ah mipi humtu ralkapbu lam nunnak liam an um lo nan inn a tlung lai kahthatmi Pa Go Sian Mung telin inn ih rak ummen kap ngah pangmi mipakhat thawn mipi lam mipahnih an thi tiah thuthang kan dong.

Leave a Reply

Your email address will not be published. Required fields are marked *