Ralkap Cozah in Chin State Administrative Council sungtel thar pahnih a Hril

Myanmar ralkap in mipi hriltlinmi Cozah hnol in rampi cozah thuneihnak a la hnu, Chinram uktu ding State Administrative Council thar a din mi ah Pu Ngun Sang Aung le Pu Gu Suan Khai khal sungtel dinhmun in a tel ve tiah theih a si ih an mah khalin ralkap hnaṭuan pekmi cu lungawi zetin an cohlang tiah ramsung media pawl in an tarlang a si.

State Administrative Council sungtel thar Pu Nun San Aung cu 2010-2015 USDP cozah san ah ဆောက်လုပ်ရေး Minister dinhmun in cozah hnaṭuan a si.

Ralkap thiahmi sinak thar thu thawn pehpar in Pu Ngun San Aung cun “Ruah lopin hnaṭuan in thiah cu ka lau zet. Ram le miphun hrang ah cangtheitawk suahih ṭan lak ding hi ka tumtahmi pakhat a si ruangah hnaṭuan in pek mi cu ka cohlang ve. Ka miphun hrang ah a ṭha bikin ṭuan ka tum ding” tiah The Hakha Post hnen ah a sim.

Ralkap cozah thar in February 11 zaan ih ramkulh uktuding council sungtel thar ṭuanvo a thiah mi ah Kachin ramkulh in U Myo Swe le U Ṭin Saawn, Kayah ramkulh in U Paw Lu Chan le Daw Suu Myah Yin Yin Lay, Kayin ramkulh in U Saw Khin Mawng Myint le U Zaw Win tipawl an tel ih Chin State Administrative Council sungtel thar ah Hakha in Pu Ngun San Aung le Tedim in Pu Gu Suan Khai tepawl an tel a si.

Leave a Reply

Your email address will not be published. Required fields are marked *