Ralhraang pawl in Thantlang khuapi an kap, Inn 10 hrawng a kaang

Thantlang khuapi cu SAC ralhraang in meithaltum hmangin tuizing nazi 11 hrawngah an kap tiah theih a si ih, inn 10 hnakih mal lo a kaang tiah Chinram hrambun media ṭhenkhat in an tarlang.

Thantlang khualaili ih inn a kaang thok dan hi thufelfai theih a si lo ih CDF sungtel pakhat cun meithaltum an kap ruangah khal a si thei ih an Urkaang hrim khal a si thei tiah a rel.

Amahcun “Ralkappa in thil a fir ih kan kap. A meithal khal kan long. Culaiah meithaltum thawn in rak kap. Meithaltum an kap nak ruangah inn a kaang maw? an urkaang hrimhrim timi kan thei ciang lo” a ti.

Inn a kaang nak hi bazar kiangkap hrawngah a si ih khuami pawl cun in 10 hrawng an kaang zo tiah an rel.

September thlalai hrawng khalah SAC ralhraang kut in Thantlang ah inn 18 lenglo a kaang ih, cuih ṭum ihsin Thantlang khuasungum zate deuh thaw in Inn le Lo suahsan in beunak an hawl tiah kan thei.

Leave a Reply

Your email address will not be published. Required fields are marked *