Ralhraang SAC ralkap siatsuahmi Dokṭhek khua tungding saal

Kawlrawn ihsin Laitlang kaisotu ralhraang SAC ralkap pawl in March thla thok ih an siatsuahmi Falam peng, Dokṭhek khua cu March 23 ah khawmi pawl in sathiluan thlacam` thianfainak an tuah tiah theih a si.

Khawmi pawl cu ralkian an beu nak hmun hramlak ihsin March 22 ah khawsung an lut saal ih Thlanrawn, Ṭaal, Tlangzar le Ramthlo khua mino pawl bawmnak thawn inn kaang nak hmun pawl an thian fai.

Dokțhek khua upa pakhat cun, “Zinghmuh Ramthlo Nunphung Pawlkom timi ZRNP meeting khal kan khua ah tuah cih a siih upa pawl khal kan kim zet, mino pawl in thazaang thawn meikaang hmun pawl thianfai in tuah sak ih atu cu khua tundin saal theinak ding hrangah Dokțhek Emergency Response Committee khal kan nei thei ve zo” tiah CH hnen ah a sim.

ZRNP cu ramsung ramleng hmun dangdang ih um Dokțhek upa pawl dinkhawmmi a si ih, Kalaymyo ih Dokțhek khuami upa pawl in an khua sathiluan in thlacamnak an nei sak a si.

Dokṭhek khuami an kir sal rualin Falam Township IDPs Management Team (FTIMT) țuanvo neitu pawl in
inn sungralmi innsang 19 hrang kyat ting 19 cu Dokțhek Emergency Response Committee hnen ah an pek ve tiah theih a si.

Leave a Reply

Your email address will not be published. Required fields are marked *