Ralhraang SAC ralkap in Hakha peng ah Inn 9 Khaang ziamral

Hakha, Zokhua peng ih doawknak a suak hnu, March 28 ah ralhraang SAC ralkap in Tinam khua ih inn 9 an urkaang tiah theih a si.

Zinglam nazi 11 hrawngah meikhu a suak thok ti a si ih, hmunhla ihsin zuk mi meikaang khu zuk cu online ah thlah darh a si ih, zuk sungah rapthlak um zetin meikhu a suak lai a lang.

A hmun ih zuk mi video tawi khalah lak ding zianghman a tang nawn lomi inn kaang ciamralnak pawl an ti lang.

Inn kaang thu thawn pehparin khuami pakhat cun “tui zing ah an khaang mi a si. Hmunhla ihsin kan thlir dan ah inn 10 tal a kaang ding a bang. Kan relh nak hmun ihsin kan hmu mi a si ih cuhnakin a kaang tam khal a si thei” tiah a rel.

Hakha khua, Zokhua peng ah CDF le CNA ṭangtlangin SAC ralhraang zarhkhat deuh thaw an do zo ih, atu ah Ralhraang SAC ralkap pawl cun Thlanglam Laitlang lam ihsin le khuasung lam ihsin hmun 2 rorin CDF le CNA pawl an ceep reek tum tiah theih a si.

Leave a Reply

Your email address will not be published. Required fields are marked *