Ralhraang ralkap in Ramthlo khua inn tampi urkaang hlei ah inn bohin thil fir

May 4 ah Falam peng, Ramthlo khua inn 10 rori ralhraang in an Urkaang hlei ah inn tampi boh sakin thil an fir tiah theih a si.

“An Urkaang mi hi inn 10 hrawng a si. A ziamfai mi a um ih, mihring um tlak lo ding khawpih a siat mi Inn pawl khal an um.”

“Hramlak ihsin khawsung kir saal tu khawmi ṭhenkhat in kan inn an boh an ti cio. Innsung thilri pawl an cok let thluh” ti`n a hmun ih vazohtu mipakhat cun a rel.

Ralhraang SAC ralkap siatsuahmi Ramthlo inn pawl

Ralhraang SAC ralkaprual cu May 2 ah Hakha ihsin Falam lam panin an poksuak ih lamtluan ah Chin ralkap pawl thawn an doaw phah vivo.

Ralhraang ralkap in lamtluan i inn pawl an urkaang vivo ih, tuini May 5 khalah Tlangzar ah Pastor Quater telin inn 10 lenglo an urkaang.

Tlangzar khalah inn boh mi a um ding zum a um nan ralhraang ṭih ah Khawmi pawl an kir ngam hrih lo ruangah thu felfai theih a si hrih lo.

Leave a Reply

Your email address will not be published. Required fields are marked *