Ralhraang ralkap in Hniarlawn mino kap that, Chin ralkap thawn doaw

Tuni July 25 ah Hakha ihsin poksuaktu ralhraang ralkap 50 hnakih mallo cun Hniarlawn khua an thlen ah khuasung mino pakhat an kap that tiah thuthang kan thei.

An kap thatmi Salai Mang Lian Sang, kum 22, cu nauhak Tlawng hmuak dingin mawṭaw cycle thawn a feh lai ah an kap that tiah khawmi pawl in an sim.

Tualsung upa mipakhat cun “amah hi biakinn hnaṭuan a si ih mucu tlawngta pawl ngaihven dingin a feh lai ah ralkap thawn lamzin ah tongaw in an kap that. Thu mumal umloin an kap that” tiah media hnen ah a sim.

Ralhraang ralkap in khawmi kaih mi khal an nei ih, an kap that mi Salai Mang Lian Sang ih ruak cu khawpi pawl in an lak sal zo tiah report a um.

Tuni, July 25, zinglam ih thil cang a si ih, atu ah Chin ralkap CNA, CDF le ralhraang ralkap an doaw ruangah khuami ṭhenkhat in himnak hawlin khua an suah san tiah tuthang kan thei.

Leave a Reply

Your email address will not be published. Required fields are marked *