Ralhraang ralkap in Chin ram hramlak ah mawṭaw siat mi an thup ta

Matupi-Mindat zinpi doawknak ih ralhraang mawṭaw an puah siat mi cu SAC ralkap pawl in hramlak ah an thup ta.

Mawṭaw siatmi cu Matupi ihsin Mindat lam pan mi ralhraang mawṭawtlar lakih telve a si ih Mindat CDF ralkap pawl in pengban 18 kiangkap ah bomb thawn an puah siat mi a si.

Ziangduhsan in an thup ti cu theih fiang a si lo ih thuhla pholangtu 𝐂𝐃𝐅-𝐌𝐢𝐧𝐝𝐚𝐭 cun “Mawṭaw Ke an thlong thluh ih thingkung an hau mi pawl thawn an khuh thluh” ti`n thusuahmi ah an ngan.

Ralhraang Mawṭawtlar cu tu thla thok hrawng ah Matupi ihsin Mindat lam pan in an poksuak ih lamtluan ah Chin ralkap pawl in ralthuam phunphun thawn an rak do.

Doawknak ah ralhraang tampi an thi ih lamtluan ah humkhamaw phahin May 13 ah Mindat khuasung 274 battalion ralkapbuk ah an thleng suak zo tiah theih a si.

Leave a Reply

Your email address will not be published. Required fields are marked *