Ralhraang kut tuar in kan Chin pacangṭha pakhat kan sung leh ta

September 29 zaan nazi 6 luan hrawng ah Hakha ihsin Thantlang ih feh mi mawṭaw pakhat cu khua sung luh zawng ah ralhraang pawl in an rak kap ih mawṭaw totu mi 5 lakih telve Upa Pu Ral Tu a thi.

Mawṭaw totu mi 5 ah a mawngtu le midang pahnih cu an him ih mi pakhat in a Lu ah hriam a tuar ve nan a nunnak cu a him tiah theih a si.

SAC ralhraang kut tuar Hriangkhan khuami Pu Ral Tu (kum 80) hi ahlan Council san ah Thantlang peng thuṭhentu dinhmun in cozah hna rak ṭuan dahtu a si ih, tuini tiangah mipi ih ṭihzah upat mi a si.

Pu Ral Tu ih ruakvuinak cu thaisun September 30 ah Hakha ih Upa ṭhenkhat le Pastor pawl in an va tuah sak ding tiah kan thei.

SAC ralhraang in Thantlang khuapi an kah hnu September thlalai ihsin khuami zate deuh thaw in khuapi an suahsan thluh ruangah siat ton tikih ruak vui aw tu ding khal an um nawn lo tiah theih a si.

zuk : Kt pau

Leave a Reply

Your email address will not be published. Required fields are marked *