Ralhraang kut tuar CNDF ralkap Annka neet cun Mipi Lunghnoter

Lairawn doawknak ih nunnak liam CNDF ralkap Salai Lal Tan Pi in a thih hlan te ih a ralkappi pawl thu a cah ta mi cu relsuah sal a si ih a ngaitu hrangah tuar thiam a har zet.

Amah hi kum 19 telawng a si lai ih CNDF – Vakok ralkap pakhat dinhmun in ram le miphun hrang nunnak thap in ralhraang dotu paralṭha a si.

China le Kawlram ah buangrua kuatin pumcawmaw a si ih ralhraang do ding rorin a hnaṭuan tan san in ram le miphun hrang nunnak hlanawtu a si.

2022, February 7, Lairawn doawknak ah ralhraang kut tuar in hriam a pu ih, a nunnak hrang ruahsanding um thei lai cingin a rualpi pawl sawn riangri a ngaihven.

“Kei mah in run cun nan mah pawl tiang nan tuar pang ding, in tansan ko uh, kan ralkap an tuar tuk pang ding. Hriamhrei ralthuam kan neih mi a thlauaw tuk” tiah a ralkappi pawl seherh in himnak hawl dingah a cah ta hai.

Paralṭha Salai Lal Tan Pi ih ram le miphun hrang a pekawknak par ah CNO/CNDF in a sangbik upat hlan`nak a nei ih, Lairawn hmun pakhat ah upatnak sangbik pekin a ruak an vuiliam a si.

2022, February 7 doawknak ah CNDF ralkap telin hriamkai ṭangkop pawl in ralhraang ralkap 17 lenglo an that tiah theih a si.

Leave a Reply

Your email address will not be published. Required fields are marked *