Ralhraang kut in Thantlang Baptist Biakinnpi a Kaang

Chin ramkulh, Thantlang khua ih um, Thantlang Baptist Church (TBC) cu tuni, June 9 zaan lam ah a kaang tiah theih a si.

Biakinn kaang thu cu zaanlam nazi 5 kiangkap hrawng ah tualsungum pawl hnen ihsin TBC vice-president in thu a dong ih, amah khalin “kiangkap naivia khuami pawl khalin a kaang mi an hmu” tiah a ti.

Biakinn a kaang thok dan hi thuthang felfai hmuh ding a um hrih lo nan, inn tampi urkaang zotu SAC ralhraang kut ihsin a kaang mi siding tiah ruah a si.

Tualsungum mipakhat cun “Biakinn kiangkap Hall le quarters pawl cu kan dung kum cem lam ah a kaang zo. Biakinn dang a kaang mi khal a tam zo ih, TBC biakinn khal ziang tikah a kaang ding ti`n kan zoh cuahco mi a si. Nan, atikcu a thleng taktak cu tuar thiam dan a har zet” tiah a ti.

TBC biakinn kaang thu cu Thantlang Baptist Church FB cahmai khalin a nemhnget zo ih “2021 October 29 ah TBC Office & Quarters, 2021 December 17 ah Christian Community Hall, Evangelist umnak inn, 2021 December 30 ah Jubilee Memorial Hall, TBC meeting room le guest house, quarters, Mucu tipawl a kaang zo ih tuni June 9 ah TBC biakinnpi Ralhraang kut in a ciam” tiah an langter a si.

Leave a Reply

Your email address will not be published. Required fields are marked *