Raldo tikih kan theih tengteng ṭulmi thil thupi

2021 Dothlengnak cu nei pehzom vivo a si ih a thu zawngin siseh ramdang pehtlaihnak, hrimhreikai ih doawknak ti`n a um pehzom vivo dingih cumi tikah thazang malsawntu dinhmun in ral kan do tikah theihṭulmi tamzet a um.

Cumicu ralkapbu zawngih fehtu training kai in fumfe zetih hmalaknak thawn ṭanlatu cun kan thei ding nan khawi hmun khalah rinlopin cangvaihṭul caan a um thei ih cuvek caan ah kan theih ṭul zetmi raldodaan cu Chin TV International in a tarlang ih mipi hrang ṭhathnemnak a um pang thei ti`n kan run tarlang sawng a si.

ပျောက်ကြား (Guerrilla warfare) raldo tikih theih ṭulmi tete

1.ပျောက်ကြား (Guerrilla warfare) ih raldo a ṭulnak cu hriamhrei le mipum neihmi/neihzat bangawklo ruangah a si tlangpi. Curuangah ralring zet a ṭul.

2. Ral kan va do hlanah plan A, B, C tin felfai ten neihcia ṭhepṭhep a ṭul. Plan A hlawhtling lole plan B, B hlawhsam thotho le C tin buaibai lo dingin neih cia ding.

3. Ziangruangah ral kan va kap zik timi theihfiang ding. Kan neh ah siseh, kan sungah siseh, ziangvek dinhmun ah kan um thei timi theih cia tum ding.

4. Himi kan ral kapnak ruangah mipi hrangah ziangtluk in ṭhathnemnak le ṭhatlonak a um timi ruah cia ding.

5. Hliamhma a ngahmi pawl hrangah siivai ṭha tawk tak neih cia a ṭul. Siilam thiammi neih thei le a ṭha sinsin.

6. Himi do awknak ruangah caan tawite le caan saupi hrangah ziangtluk ṭhatnak le ṭhatlonak a suahpi ding timi ruat cia a ṭul.

7. Hotu ih thupek ṭha ten thlun tengteng ding.

8. Relhnak ding hmun ṭhate le a himnak hmun neih tengteng ding.

Kan neh tengteng ding!

Leave a Reply

Your email address will not be published. Required fields are marked *