Pyine No. 1 Candidate Pu Con Kheng (Bulpaak) ih tuahsuak zo mi le Hmailam tumtah mi

Falam peng ihsin 2020 rampi hrilawnak ih lut tu pawl hnen ah Chinland Herald daily news in Campaign nak awkam tiah cahram dilnak a nei.

MP zuamtu mipum zate hnen ah cahram dilnak an nei ih mipum 6 hnen hnen lawng in Cahram an dong. Cumi lak ah Pyne No 1 Candidate Pu Con Kheng (bulpaak) ih tuahsuak zo mi le Hmailam tumtah mi pawl rak thlir ve uh.

Falam peng Duhmang khua Pu Khup Phin le Pi Duh Ṭial tei` fa 10 sung ih nautabik a siih Kum 1947 July 1 ah a suak.

1974 ah innsang a din ih fate 5 a nei. 1968 ah Agricultural Department ah LDC in hnaṭuan a thok ih 1975 Kalaymyo, 2006 Rangoon in B.C thawn pinsin laak mi a si.

2010-2015 kum, Falam Myone No. 1 ihsin Amyota hluttaw kum 5 a ṭuan ih direct in tuahmi le indirect ih tuah mi ci 40 lai, ram le miphun hrang ah a ṭuan.

Cumi sungih a thupi deuh pawl cu

1. Mani sun ih pinsin la tu le tusun ih pinsin latu rank, PAY, service bang rep pawl in ngahmi pinsin bangrep dingin a tuah.
2. Falam District Education qtr
3. Zawnglei, Suangdo, Saimun condum hmun ah phone tower
4. Zawnglei to Duhmang, Duhmang to Kawlfang, Valung to Ngamual, Valung ihsin Tise, motor ziin ihsin Khuangmual, Vazang ihsin Manipura run motor ziin
5. Vazaang-Khuapual karlak Thir lilawn, Vazang-Khuadal Lunglui lilawn, Hmunli-Zultu lilawn
6. Var Hydro Power Dinamo 500 KV pakhat
7. Webula buukva, Duhmang Khuangbo, Leilet Laiva Hydro Power 270 KV suvey
8. Cinmual Viewpoint circular road kauh ih innhmun phuan
9. Falam Construction guest house ihsin Bazaar tiang Kattaya ziin
10. Zamual-Congheng ziin
11. 2013 Falam peng tlawnginn pawl ah innthar 31
12. Webula Var lamzin kauh ih Kattaya phah
13. Rih ziin 31 ihsin falong 5 sung so kil 7 cu kil khat in rem
14. Kalay-Falam 43/3 mile ih so kil rem
15. Kalay myo Traffic Light
16. Yangon Hlaing tipi (Water Bus)
17. Yangon – Maynikung lilawn
18. ရန်ကုန် – ဒလ Korea-Myanmar rualremnak lilawn (sak rero lai)
19. ရန်ကုန် – ဗိုလ်ချုပ် bazar thar dotkhat cu dotriat
20. ရန်ကုန် – ကမ်းနားလမ်း – ဆိပ်ကမ်းသာလမ်း lilawn

Tuahsaklo ruangih siarem lomi pawl

1. Cangai va khua ah fimzirnak collage phun ding dil nan, Hakha ah an phuan
2. 2008 Constitution Pu Than Shwe hnen rem ding dil ding nan tutiang an dil sak lo.
3. Var lilawn sak Hydro power tuah ding dil mi an tah ih mega watt 30 suak ding an tuah suak lo.
4. Falam Vuanthok zung dot nga thawn tuah ding dil nan, tuah dot 3 lawng
5. Falam Siizung ah TV Scan dil nan Hakha in an ngah.
6. Kalay peng nitlaknak Voklu tlang ihsin Var tiang leilung vit in motor lampi
7. Khualpual khua tang Lunglui va ah Hydro power tuah in inn 1000 meisa pek thei dingin kan dil ih survey tuah ding an ti nan tui` sun tiang in tuahsak lo. (tu ah Kalay Ziichaung meisa 1.3 megawatt thawn ding in kan dil lai rero)

Hmailam tumtah mi

1. Lamzin pohpoh a so tuk, a suk tuk pawl rem in tiluannak tuah hnu concrete phah ṭheh ding.
2. Hrinhnam cio ih ṭong (mother tongue) zir tengteng ding.
3. Bualpi khua din sal ding.
4. Tiva tum deuhnak pohpoh Hydro power tuah ding.
5. Tlangbak thli hrannak ah Wind Electric Power tuah ding.
6. Thal lo Permanent Farm tuah thei ding Yi-paan thawn khua kip ah tuah ding.
7. Manupur ruun kap Vunnel laak theinak hmun mawṭaw ziin ceek sak ding.
8. Khuate lam tiang General Grip (maha-dat-aa) thleng ter ding.
9. Pupa leiram kil him ding.

Leave a Reply

Your email address will not be published. Required fields are marked *