Pumrua in Kawl ralhraang do nakah na tel theilo khalle Inn lam ah ti theimi na nei …

Kalaymyo ih Miralṭha pawl le ralhraang kawl ralkap/palik an kapaw hnu in Chinmi tamzet cun phun khatkhat zawng tal ih ṭangkainak kan nei thei dan ding ruahnak ṭhaṭha an suah pi.

Ruahnak ṭhaṭha an suahpi mi ah Chin pacang no kan rinsan mi Salai BC Cuan
ih tarlangmi cu mipi in ṭha an ti tuk ih mitam siar theih dingin a tanglam ah kan run tarlang ding.

Kalaymyo hrangah keicu ka țangkai lo na tiaw pang kei. Kan ti theimi a um thluh.

Cupawl cu,

1. Mipi’n Battery (bati-U sia) hawl khawm ih Cerek tuah ciamco ding.

2. Pacang țha pawlin Zian tuah ding. Ziandawng hawl khawm ih kahtheih cih dingin Cerek, Zian le Kep tuah ding.

3. Innsang tin in kan hrang (mipi hrangih) raldotupawl hrangah Eiin țha le tha umnak theiti pawl ui lo zetih suah khawm ding.

4. Himi cangvaihnak hrangah veng/khawtin hruaitupawl innsang tinah lutin mah le tlintawk pe dingin sumpai khawnkhawm ding.

5. Mipi hrang raldo duhnak thinlung a neitu minopawl kha, Nulepa’n dawn lo ding.(Zohman thih duh kan um lo ti cu theihcia a si). Curuangah kan fale tel an tum tikah, an lupar ah kut hngat in thlacamnak thawn thlah sawn ding.

6. Tuhi mi cakvak ramdangih relh can a si nawn lo. Kan ram kan suahsan cun, kan nehlo ih doawk kan ngam lo ruangah a siih, kan ram, kan inn lo cu a Duhduh in run co men haiseh ti thawn a bangaw ding. Thahnem tuk nawn lo kum upa le nunau le nauhak tivek lawng humhimnak ruatin relhter ding an si.

7. Ramdang ta meithal cah lawk a awl lo ruangah, a cangthei tawkin lai meithal tuahthiampawlin taimak suah in meithal in tuahsak vutvo thei sehla. (Cumi hrangah mipi khalin Thazang le sumpai thawn kan bawm a țul).

8. Zohman thih phang ih um ding a si lo. Milai hrangah vawikhat thih ruat cia a si kha. Cumirualin tuvek dinhmunah cun hriamhrei pakhat tal neihlo cun doawknak ah tel lo a țha ding tiah ka ruat. Cu aiin mipi kilhimtu (ral lo kappawl) dotu kha an bang tuk ding ruangah sawngaw tawn thei sehla duh a um zet.

credit : Salai BC Cuan

Leave a Reply

Your email address will not be published. Required fields are marked *