Puakkuai thei rial puak ruangah Falam mino pakhat nunnak liam

June 30 ah Chin ramkulh, Falam peng, Valung khua kiang ah mawṭaw cycle thawn bomb kammi an rial puak ih a hmun rori ah Salai Peter Dim Lian Sang, kum 22, nunnak a cem tiah theih a si.

Amah hi Falam peng, Ngawn mi si in, GTI phunsangtlawng ah kumkhatnak a kai lai tiah theih a si ih, amah thawn mawṭaw cycle tovetu a rualpi pakhat khal hriam a tuar ti`n thuthang kan thei.

Ngawn Students Fellowship group ih tarlang dan ah bomb an rial nak hmun hi Valung le Zawnglei khua karlak ah a si ih, vanduaithlak zetin mino pakhat nunnak a liam mi par ah NSF sungkua in riahsiatpinak an langter a si.

Ngawn Students Fellowship FB group ih tarlangmi …
RIP
(Peter Dim Lian Sang -Hakha Education Degree Collage Kumkhatnak)
#NSF // 2022 June 30
Tuni 2022 June 30 ni ah Chin State,Ngawnland Valung le Zawnglei lak lawh pen “a pok keh theimi” thil nawt kaaknak hangin,NSF Member pakhat ahimi Salai Peter Dim Lian Sang (Kum -22) in a itzet laih mi Nu le Pa,U le nau le NSF member te zamsanh ta hi,tih thu a theih uh hangin NSF in sungkhat Nu le Pa,U le nau tei thuak bang bokin thuakpih,suunpih ung hi.
Salai Peter Dim Lian Sang

” NSF member thak pakhat na hihnak bangin,Nangmah cu NSF in phal ngawl thah zal in Pa Pathian ang sungah Upatnak sangbel pia in hah liam ung hi”

Falam-Kalay lamziinpi hi kan dung June 27 ah zohman zawh hrih lo dingin CNO/CNDF in mipi theihternak an nei.

Cutiih thu an than nak san cu ralhraang ralkap pawl Chin ram lam pan in an kai so ruangah a si ih, a tui` bomb an rial puak nak hmun khal hi ralhraang ralkap zawh ding mi lamziinpi a si thei ti`n thuthang kan thei.

Leave a Reply

Your email address will not be published. Required fields are marked *