Pu Sui Ṭhio telin Chin ramkulh Minister 4 cu Inn ah an tlunter

Ralkap in thuneihnak an lak hnu February 1 in rampumhuap NLD cozah ṭuanvonei zate deuh thaw in an mah umnak peng le ramkulh cio ah a kharhkhum hai.

Kan nih Chinram cozah bawi lubik lam pawl khal kharhkhum an tuar ve ih miṭhenkhat cu ralkap thupeknak in mah le inn cio ah an tlun ter.

Inn tlunter hrihmi lakih telve Minister Pu Sui Ṭhio cun “Keimah, Minister Pu Vui Kaw, Minister Pu Mang Hen Dal le Minister Pu Pau Lun Min Thang pawl cu zaanlam nazi 3 hrawng ah kharhkhumnak hmun ihsin in thlah suak.”

Kharhkhum laimi cozah ṭuanvonei thu thawn pehpar in “Chief Minister Pu Lian Luai, Hluttaw Speaker Pu Zo Bawi, Minister Pu Phwe Ar le Minister Pu Soe Htet cu kharhkhum in an um hrih” a ti.

Kharhkhum an tuar nak thuthawn pehpar in “nan theih cia bangin 2020 rampi hrilawknak ih vote diklo thuhla kha a sibik. Cule, in thlah hlan ah ‘dai ten in ah va um uh’ ti`n in cah ta” tiah Pu Sui Ṭhio cun a sim.

Chinram Chief Minister telin kharhkhum a si hrih mi cozah ṭuanvonei pawl cu ziangtin an tuah tum! An thlah cih ding maw dinglo tvk khal theih cian a si hrih lo tiah The Hakha Times in a tarlang a si.

Leave a Reply

Your email address will not be published. Required fields are marked *