Pu Sang Hre in Salai Lung Thli Tum KAWK NEKNEK

Kan dung baite, Salai Lung Thli Tum in Pu No Than Kap a relsiatnak thawn pehpar in Austrilia ih um Pu Sang Hre in Lung Thli Tum a kawk.

Pu Sang Hre cun Lung Thli Tum ṭongkam hman mi in Falam le Hakha karlakah buainak a suak terthei lawng si lo in NLD ramkhel upa pawl in hnihsuak nakih in hman men ding a phan thu a rel.

Pu Sang Hre cun “Salai Lung Thli Tum in CNLD chairman Pu No Than Kap a timi cu Falam le Hakha karlak huatawknak suakter theimi thil a si. Nasatak in rak do cio uh. Neta lamah Chin ram NLD upa pawl an um pang ahcun a ṭhalozet dingmi thil a si.”

Mah le mah doawding tlaklo Miphun malte kan si zia le ṭang tlang in hmailam caan ah hnaṭuan tlang ding kan si sawn zia khal a rel tel.

Pu Sang Hre cun “Tuvek san ah miphun pakhat le pakhat huatawknak suakter dingmi ṭongkam cu do ding kan si. Chin mi pakhat le pakhat doawding ah kan mal/te tuk lai. Fimthiamnak lam khalah hmandang level ih ding theimi miphun ka si hrih lo. Khat le khat kan ṭang tlang mi sawn in cahnak a suak ter.

Hakha a ṭhangso le lungawi uh. Falam a ṭhangso le lungawi uh. Paletwah a ṭhangso khale lungawi thotho ding kan si.

Hakha ṭhangso ding a ṭul bang in Tedim, Kanpalet, Matu tiang ṭhangso an ṭul ve tihi hngilh hlah uhsi. Peng khat le khat kan zuamawnak hin huatawknak a suakter ti hi theihngilh hlah uh si. Equal opportunity for All Chin tu ah din uh si” tiin a ngan a si.

Pu Sang Hre cu Malaysia a um lai ah UNHCR zung ih OPE department ah ṭonglettu dinhmun in le Chin Refugee committee ah Health Coordinator dinhmun in hnaṭuan dah a si. Austrilia a thleng hnu khalah Chin community hrang ih hnaṭuan a siih Chin miphun lungrual kan ṭul zia aupi ringringtu a si.

ref:Pu Sang Hre FB cahmai, TheChinExpress

Leave a Reply

Your email address will not be published. Required fields are marked *