Pu No Than Kap le Pu Salai Lian Luai tel in Rampi Hril Awnak ah Falam in Teltu Ding pawl

Kum 5 ah voi 1 tuah a simi Myanmar rampi hril awnak cu November 8, 2020 ah tuah thlang ding a siih ramkhel party pawl khal timlamnak an nei rero.

Union Election Commission (UEC) cun Nov 8 ih tuah ding tiin July 1 ah thuthannak a tuah ih Rampi Hril awnak ah a zuamtu ding pawl cu August 7 ah hmin cazin pek ding a si.

Mp zuam dingin hmin a pek na`n a hnukdawk saal duhtu pawl cun August 10 tiang cohlaang a si dingih August 11 ihsin ni 3 sung a zuamtu ding pawl cu commission in hmaton thusutnak le dunglam thu pawl zingzoinak an nei ding tiah theih a si.

Falam ah party 5 a um ih NUP (ṭah-sah-ngiah) siar lo, party dang 4 pawl a simi CNLD, NLD, USDP le UDP party pawl an lut tum tiah party ṭuanvo neitu pawl in an sim.

Myanmar rampi hril awnak ah Falam in teltu ding pawl cu A. Pyine no.1 (Nisuahnak lam ah) – Pu Ral Hnin (NLD), Salai Tawk Za Lian (CNLD), Pu Cung Bik (USDP) le Pu Hrang Lian Ceu (UDP), B. Pyine no.2 (Nitlaknak lam ah) – Pu Salai Lian Luai (NLD), Pu No Than Kap (CNLD) le Pu Val Thang (UDP), Pyithu hluttaw hrangah – Dr. Salai Riang Vel (NLD), Pu Hrang Kian Lo (CNLD), Pu Bual Sai Lo (USDP) le Pi Thla Iang (UDP), Amyotha hluttaw hrangah – Pu He Dun (NLD), Salai Nhgepi Thian Uk Thang (CNLD), Pu Ram Lian Ceu (USDP) le Pu Run Hlei Thang (UDP) pawl tla an si.

CH Daily News

Leave a Reply

Your email address will not be published. Required fields are marked *