Pu Lal Thawm Thang telin Sagaing ramṭhen Minister 3 cu thlah zalen sal an si

Tuizing, Ralkap pawl ih kaihtuar Sagaing ramṭhen minister pathum cu zaanlamri ah thlah zalen an si sal thu theih a si.

Ralkap i thlah sal mi minister 3 cu ချင်းတိုင်းရင်းသားရေးရာ ဝန်ကြီး U Lal Thawm Thang, စိုက်ပျိုးရေး၊ မွေးမြူရေးနှင့် ဆည်မြောင်ဝန်ကြီး U Kam Za Mung le လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဦးသန်းညွှန့်ဝင်း pawl an si.

“Kei mah, U Kam Za Mung le ဦးသန်းညွှန့်ဝင်း cu mah le inn cio ah kan thleng sal zo. Minister dang pawl khal a sangsang ten kan thlah ding an ti. Nitlaknak lam ralkap zung ah inhruai ih kan phone in lak sak sung. Culobak cu thusutnak hran khal in nei lo” tiah U Lal Thawm Thang in a ti.

“Ralkap zung kan thleng veten ralkap bawi thawn kan tongaw. Cun, ralkap in rampi thuneihnak a lak thu in sim ih TV khalin an phuang zo a ti. 2020, November thla ih rampi hrilawknak thu thawn pehpar in ralkap in rampi thuneihnak a lak mi a si. Thinphang ding dang a um lo. Inn ah kan lo kuat sal ding. Nan, leng ah suakvaklo dingin in sim” tiah U Lal Thawm Thang cun a sim hrih.

Kawlram ralkap cun rampi thuneihnak cu February 1 zingah a lak ih president U Win Myint le Daw Aung San Suu Kyi telin rampi huap NLD hruaitu ṭhenkhat cu a kilkhawi sung hai.

Ralkappi cun 2020 rampi hrilawknak i vote diklo a um an timi puhmawh in rampi thuneihnak an lak mi a si ih kan ram dinhmun a zangkhai deuh tikah a thar in hrilawknak neih a si sal ding thu an phuang a si. (Eleven)

Leave a Reply

Your email address will not be published. Required fields are marked *