Pu Chan Hre ṭih in Beunak kan hawl, Kan khua ah kan tlung ngam nawn lo – Pu Cin Thawng

Chin ramkulh, Thantlang peng, Surngen khuauk le a milai pawl ih vuakvelh tongtu Pu Cin Thawng in Khuauk Pu Chan Hre cu ralhrang lungput nei a si ruangah kan khua ah kan tlung sal ngam nawn lo tiah a sim.

Vuakvelhnak ruangih Siizung thleng Pu Cin Thawng cun “khawruat mumal nei lo, mithat khal poisalo pawl zu a do ih a duhduh in tirh a fial thei. Curuangah Pu Chan Hre hi kan ṭih tuk. Kan khua Surngen ah kan kir ngam nawn lo” tiah a sim ih “ralhrang ṭih ih beunak hawl tu raltlan kan si” a ti.

Hih thubuai cu Chin cozah hnen ah report a si zo ih “Cozah lam ih hmalakdan thlir in kan um” tiah Pu Cin Thawng cun a sim.

Pu Chan Hre le a tirhkoh misual 13
Cozah lam in Surngen khua mi hrang bawmnak an pek mi eiruk thu ah khuasung upa Pu Lian Mang, Pu Van Peng le Pu Cin Thawng tel in innsang 11 le khuauk karlak ah hmuawthiamlonak a suak.

Cumi thu ah Khawuk Pu Chan Hre cu a lung awi lo ih va siim dingin hawklakzuva minung 13 cu zu a do hai.

10 August, zaan nazi 11 hrawng ah Khawuk Pu Chan Hre hoha mi minung 13 pawl cun lungto le thingtan keng in an va siim.

Surngen khuauk Pu Chan Hre

Misual pawl ih velhnak ruangah Pu Lian Mang cu a kehlam mikil a thling thluh ih Hakha Siizung ah operation an tuah.

Pu Van Peng khal thisen tamzet suak ko in an thawi ih a hnakruh pahnih an khiak ruangah Hakha Siizung ah a thleng.

Pu Cin Thawng khal an thawi na zet ih Hmawngtlang Siizung a thleng.

An buainak pawl cu Khawuk ṭih ruangah le Khua hminsiat phang ah simrel lohli loin an um ih, tu ah celh nawn lo in media hnen ah an simfing. Hawklakzuva minung 13 cu Thantlang palik in an kai zo nan Khuauk Pu Chan Hre cu kaihkhih a si hrih lo. Curuangah khuasung mipum 11 in Khuaukpa` thilsual tuah mi hmuahhmauh le khawlal sinak hlonsak dingin Chinram cozah hnen ah ca an kuat a si.

Hram-TheChinExpress

Leave a Reply

Your email address will not be published. Required fields are marked *