Pu Bawi Ting tei` inn an boh, Paisia ting 8 an fir

Hakha, Harmon veng ih Pu Bawi Ting tei` inn cu November 11 ah rukru in an boh sak ih paisa ting 8 hrawng an fir.

Inn neitu Pu Bawi Ting hi Hakha thingram zung lam ih hnaṭuan a si ih Thantlang peng ah puai zawh dingin an feh sung ah inn boh sak an tuar mi a si.

Thantlang peng ih puai zawh an feh sungah inn kil tu ding sungkhat naivai numi pakhat an tanta nan zing lam nazi 9 luan hrawng ah poimawh nei in, inn a suah san sung ah rukru in, an inn an rak boh sak ih paisa ting 8 hrawng an fir tiah The Chin Journal in a tarlang.

Hakha khuasung ah inn boh tuar an um phahphah ṭheu ih kan dung October thlacem lam khal ah Evan. Thang Zel te`i inn an boh sak ih paisa ting 4 hrawng an fir a si.

Leave a Reply

Your email address will not be published. Required fields are marked *