Pi Tlemi paisa firtu Thawnginn boh in tlan suak

Mizoram, Siaha khua ih thawngtla Sanga fapa Sanjaya cu May 7 ah Siaha Distric Thawnginn ihsin a tlan suak ih a hmutu in palik hnen ah simthei tengteng dingin tlangthannak an nei.

Amah hi misual nunrong zet a siih kuak zial cawp zuar ih pumcawmaw Lunglei ih Pi FṬ Tlemi rak suam in paisa rak lak saktu a si.

Pi FṬ Tlemi Siaha a feh lai ah rak suam in paisa a la sak ruangah thinhar Lungciimit nikhua theilo in Pi FṬ Tlemi a rak thi phah.

Sanjaya cun Pi FṬ Tlemi paisa cu Lawngtlai lam ah rittheih leinak ah a hmang tiah thuhla felfai theitu pawl in an sim. Cuihtlunah May 3 khalah Scooty motor cycle a fir ih India paisa ₹2500 in a zuar tiah theih a si.

May 4 ah an kai ngah ih Siaha, Vaihpi ih MTP President leh a unau pawl in palik kut ah an ap hnu, Siaha Distric Thawnginn ih an khum hnu ah a tlansuak salmi a si.

Sanjaya hmutu le a umnak theitu pawl cun 9862819092 le 8787337670 phone number pawl ah theihternak nei tengteng dingin Mizo Special Report ah tlangthannak an nei.

Leave a Reply

Your email address will not be published. Required fields are marked *