“Pi Pi Suh” Biazai by Salai Siang Cung Luai

“Pi Pi Suh”

Na tu hri-hruai, nauhak pawl nih
Ka Nu ti in, an lo ko nan
Kan Lai Daan ah, mah pi hri cu
Ka pi ti ih, kawh ding ti si
Kei cu Laimi, ka si bang in
Pi Pi ti ah, ka lo ti ko pei ……

2008, Daan hrampi tang
Hril aw nak cu, voi thum a kim
Kan Lai ram ih MP ding hrang, na zuam lo nan
Lai ram ih zuam, na si vek si
Na hmin hmang in, lemsawm nak cu
Khuahra tlangkip, na zar an to ……

Pacang t့ha le Nucang t့ha pawl
Sihte tiat te, rinsan aw lo
Leilung tlun ah, sem lo bang la
Mah si ning te’n, a zuam lo tu
MP pawl hi, Ziang ti bang in
Bang hai pei maw ……

A liamcia mi, kum reipi ah
Falam in tlawn, t့um ih sim bang
Ramkhel ti cu Lamzin le Inn, siam t့hat ding lawng
Khuaruah ah cun, ramkhel ti ih
Kawhtlak si hlah, na ti dah mi
Na milai pawl, na sim t့hat sal an t့ul ……

A hlan cozah, san hnak ai cun
A tu cozah, na sawisel lo
Na lam t့ang ih, tawngpa t့ang pawl
Mal te sawisel, tlinh lo tu pawl
Ziang ti ih tuah, tuah t့ha an si
In sim hram aw ……

Na duh lo mi, eiruk nak lam
Ti ngam vohvoh, si ding hrang ah
Eiruk ve lo , ti t့heu bang in
Lu-lam kai pawl, Sumpai thu ah
T့ha hnem hmar-ngai, si lo ding hrang
Ziang ti ih tuah so a t့ha pei……

A tu na san, Bawi upa pawl
An thlahhlawh cu, theih cio si ko
Kum-nga sung te, a si hmang nan
An t့hangso cuang, ti zut-zo in
Ralkap san bang, kum tampi sung
Si bang ning na, Ziang bang pei maw ……

Tlangmi covo, na Pa thu kam
Ruahsan nak in, hriltlin na si
Hlen-suah lo ding, kan si hnu cun
T့ap-suur nak thawn, thimzing a tlung
Nangmah ah cu, na tawk pam nan
Na milai pawl, an zei lo tuk……

Remdaih nak lam, Leitlun dinhmun
Laksawng dong tu, na si ve nan
Na Pa ro thu, sulkhat kual tlang
Unau thawn hman, rem aw lo cun
Rampi rem nak, tuah thei ding in
Zumngam na si pei maw……

Salai Siang Cung Luai
4:51 am
Nov 4, 2020 (Nithum Ni)
Falam

Leave a Reply

Your email address will not be published. Required fields are marked *