Phun 10 na sun ruangah riahsia in na țap maw?

Ṭap aw, na theitawkin țap aw. Zahthlak a si hrimhrim lo, zirnak duhmi na si zia langtertu a si ih, zirnak hlawhsam ruangih riahsiat hna a thiamtu cun, zirnak tanta loin țan a lasal ding ti khal a fiang.

Na sun zo ruangah zuam duhnak na nei bet dingih mi hlawhtling tiih kawh khal na si leh tengteng ding. Dr. Abdul Kalam cun hitin a rak rel. Na sung asile bansan aw hlah. Ziangahtile, Sunnak (failure) timi cu zirnak hram thawknak a si.

Na beisei tumtahmi cem thluh in na thei aw men thei. Atawpnak timi a um lo. Tumtahnak a thi dah fawn lo. A cang thei nawn lo ding kan harsa si tin na bei a dawng men thei. A cang thei nawn lo ding tiih na ruahmi kha, neta hrang caan țha ah a cang sawn timi hngilh hlah.

Phun 10 na sun ruangah beidawng hlah. Mi tampi phun 10 thleng ban lo an um. Nang cun hlawhsamnak timi ih harzia na tleirawl laiah na thei zoih, hlawhtlinnak ih thupi zia theitu le tep ngahtu si duhnak na nei zo.

Milai ih manmual hi sumpai neihtamnak ih tah a si dah lo. Ziangtluk fimthiamnak a nei ih, ziangtlukin midang hrangah a țangkai timi ihsin tah a si sawn theu.

Curuangah milai mankhung si dingin, fimthiamnak a thupit zia hngilh loin hmailam panin țan lasal țențo tu si hram aw.
Nang cu phun 10 sung ti’n mi in an lo thei men ding nan, zohmanin mi hlawhsam an lo ti thei zik lo.

Salai BC Cuan FB cahmai

Leave a Reply

Your email address will not be published. Required fields are marked *