PDF ṭih tuk taak ah Ralhraang pawl mah le mah an kapaw that

Matupi hrambun ခမရ (၃၀၉) tat sungih ralbawi ( ဒုတိယတပ်ရင်းမှူး) pakhat cu a kut hnuai ih rank niam ralkap pakhat in September 16 ah a kap that tiah theih a si.

Raldo ding thu ah ṭongkam elawknak a suak ih rank niam ralkap cun a pupa a kap that tiah ralkap thawi naivaitu hnen ihsin thuthang a suak.

Ramsungum hminthup mipakhat cun “tuhlan ihsin Chinram doawknak ih hmanortu siding an hreh ih kan boruak sosang lam a pan sinsin tikah an thla ṭem deuh. Tuṭum khal hi cuvek thuhla ruangah thuelawknak a suak mi a si. Cumicu mirintlak hnen ihsin thuthang kan dong mi a si” a ti.

Ralbawi ruak cu Matupi siizung ah an kuat zo ih a kaptu cu tuizing khuavang tiangah tat sungah kilkhawi a si hrih tiah amahcun a sim bet hrih.

Kandung August thla lam khalah Matupi ခလရ (၁၄၀) ih ralbawi pakhat cu a kut hnuai ih rank niam ralkap pakhat in a kap that dah a si.

Leave a Reply

Your email address will not be published. Required fields are marked *