Pasal That puhtuar Mary cun keimai` Thatmi a si lo a ti

Aizawl, Kulikawn veng ih um Dr. Lalṭanpuia naam thawn dawtthat tuarmi thuthawn pehpar in mithattu tiih puh tuar a nupi Mary cu December 16 ah Aizawl thuṭhenzung ah an phorhsuak.

Dr. Lalṭanpuia thih thu thawn pehparin Mizo media le Chin media tamsawn cun a nupi Mary ih dawtthatmi sivekin tarlang a si nan, mithat puh tuar Mary in thuṭhenzung ah “a mahten a dawt aw mi a si” tiah  a ti.

Zingzoi rero laimi thubuai a si ruangah an thuhla hi Official in update mi a um hrih lo. Dr. Lalṭanpuia dawtthatnak tiih ruahmi naamte khal palik kut sung ah a um zo nan zoi kutneh a lang tivek khal an phuang hrih lo.

Mary in Thuṭhenzung sung ih a ṭong suakmi khal offcial in phuan a si hrih lo nan Thuṭhenzung ih va ngaihventu le Mizo media ṭhenkhat cun “Mary in kei mah i dawtthatmi a si lo. Amahten a dawt aw mi sawn a si a ti” tiah an tarlang a si.

Mithat puhtuar Mary hi Vanduainak a thlen zaan December 9 zaan, Palik kut sungih up a si hnu in a hmuihmel hmuh ding a um lo.

Thuṭhenzung ih suahpit a si lai khal ah a buuktu mipi an tamzet nan, zohman ih thambanlo, hmumanlo dingin Palik in an kham ih motor sungah zamrangten an lutter lohli a si.

Leave a Reply

Your email address will not be published. Required fields are marked *