Paralṭha Salai Tluang Tin Lian ih ruak an vuiliam

April 7 zing ih SAC ralkap kut tuar in nunnak liam Paralṭha Lian Te (Salai Tluang Tin Lian) ruak cu April 8 ah ropi zetin an vui liam tiah thieh a si.

SAC ralkap pawl cun April 7 zingpit ah mipi’ ralkap umhmun khuarnak cu RPG bomb le meithal phunkim thawn an kap ciamco ih cumi ah mipi telin mithi 12 an um.

Paralṭha Lian te khal cu ralkap pawl ih bomb kah mi in a hliam ih bomb puak mi in a hmai le ṭang ah natukin a hliam ruangah a hmun rori ah a nunnak a liam tiah a ralkappi rualṭha pawl in an sim.

Anih hi ralkap ukhruainak dodal in Kalay ih lamzawh duhphorhnak an nei hmaisabik ṭum in telzotu a siih miphun le ram hrang ah a nunnak a pe liam hi a si.

U Khin Soe le Tawk Ve Thluai tei` fapathum lakih lailak a si ih ram le miphun hrang ih a nunnak a pe lai ah hin kum 22 te lawng a si.

Leave a Reply

Your email address will not be published. Required fields are marked *