Paralṭha Salai Cung Lian Ceu i ruak an vuiliam

2021, March 17 ih kawl ralkap pawl kah that mi paralṭha Salai Cung Lian Ceu ruak cu March 18 ah sunglawi zetin an vuiliam.

Amah cu Pa Tlang Lian kham le Nu Van Siang Nei Par tei` fapa upabik a si ih a thih ah kum 25 lawng a si lai.

Kalay Myo, Taungphilar veng ih um an si ih ralkap ukhruainak dodal in lamzawh duhphorhnak neitu a nau nu helhkam in a va ngaihventum fangah kawl ralkap pawl in a ṭang ah meithal thawn an kap ruangah a nunnak a cem a si.

Amah hi Falam Phunsang Tlawngta Pawlkom sungtel a si ih ruak vuinak ah FPTP in Suunnak capi hlannak le Ruangkhuhnak khal an nei.

Salai Cung Lian Ceu ruak vuinak program ah leitlun kilkip ih pawlkom 12 ṭangtlang ih dinsuahmi We Stand With Falam CDM Heroes khalin palai thlah in sunnak capi siarnak an nei tiah theih a si.

Leave a Reply

Your email address will not be published. Required fields are marked *