Paralṭha Biak Lawm Cuang ih thih thu cu April 10 lawngah theihsuah a si

Paralṭha Biak Lawm Cuang ih thih thu cu April 10 lawngah a sungte pawl in an thei suak.

SAC ralkap pawl in KCA ralkap umnak an siim ṭum, April 7 ihsin a hlo thok ih a sungte le rualṭha a ralkappi pawl in a umnak hmun an thei lo.

Tahan F group ih um Paralṭha Biak Lawm Cuang ih rualṭha mipakhat cun “ralkap kut ah a um ding cu ka zum ko. April 7 ihsin kan hmu nawn lo ih April 10 zing lawngah a thih thu kan thei” a ti.

SAC ralkap pawl cun Kalaymyo, ralkap siizung ih um Paralṭha Bawi Lawm Cuang ih ruak cu lasuak dingin a sungte hnen ah April 10 ah an sim thei.

Salai Bawi Lawm Cuang ih ruak valak nakih telvetu mipakhat cun “a ruak a rak siat zet zo. April 7 ni ah ralkap kut tuar in a thi maw? an kai hnu hremtuar ruangih thi sawm mi a si tikhal theih fiang a si lo” a ti.

Paralṭha Salai Bawi Lawm Cuang ih ruak cu April 10, sun nazi 1 hrawngah an inn ah a thleng fel thu theih a si ih zaanlamri ah vui liam a si ding tiah a sungkhat hnen in theih a si.

Sim DiHai khuami Paralṭha Salai Bawi Lawm Cuang cu kum 26 telawng a si lai.

Leave a Reply

Your email address will not be published. Required fields are marked *