Paralṭha Shalom Siang Thang Lian ih ruak, Falam ah phur tlung dingin tawlrel

Ralhraang kut tuar, CNDF ralkap Salai Shalom Siang Thang Lian ih ruak cu Falam ah tlun thei dingin a sungkhat unau le biaknaklam hruaitu pawl in an tawlrel tiah theih a si.

“A ruang hi Falam ah a thleng thei hrih lo. Kalaymyo siizung ah an ret lai ih, la thei dingin an zuam rero lai.”

“A ruak phur tlung thei beisei a si ih, Pastor Bawi Leen Par,a Nu D.Sen Kai,U Lian Neih Khal le Rev. Thang Za Khum ti pawl cu FBA motor thawn Suundir nazi 12 ah Falam in an pok zo” tiah tualsungum mipakhat cun a rel.

Kum 29 mi, rinsantlak Falam mino Salai Shalom Siang Thang Lian cu CNDF ralkap a si ih, kan dungkum June thla ah ralhraang in an kai.

Pukmah 505 thawn thubuai tuah sak in Kaylaymyo thawnginn ah khum a si ih, March 15, Kalaymyo Thawnginn buainak suak ah Ralhraang kut tuar in ram le miphun rian phahin a nunnak a cem a si.

Paralṭha CNDF ralkap Salai Shalom Siang Thang Lian thih thu ah CNDF in a sangbik upatnak pek phahin Suunak capi an suah a si.

Leave a Reply

Your email address will not be published. Required fields are marked *