Paralṭha Salai Cung Lian Ceu naunu thu rel suak mi cun a ngaitu Lung a ti zur …….

Kawl ralkap pawl ih kahthatmi Paralṭha Salai Cung Lian Ceu ruak cu March 18 ah sunglawi zetin an vuiliam ih a naunu ṭongsuakmi le an phum lai video tawi cun a zohtu hmuahhmuah a ti Lungzur.

Salai Cung Lian Ceu cu March 17 ih lamzawh duhphorhnak ih telvetu a naunu va run dingih a feh lai ah ralkap pawl in cerek ngai thawn an kap ih a nunnak a cem mi a si.

Salai Cung Lian Ceu naunu cun a u thih hlan te ih an biakaw mi pawl cu cipciar zetin a relsuak thluh sal ih, Amah cun “Lamzawh duhphorhnak ihsin kan tlan kan relh rero lai ah ka u nih in run phone ih ‘ralkap pawl an um ti ka thei. Ralring aw la’ in ti. Kei khalin ‘aw, tukhal kan tlan rero’ ka tiih phone a thlak.”

“Cun, mi inn ah kan lut ih itkhunkhaan ah in thup. Cuisin, ka uu donhar pang ding ka phang ruangah ‘mi inn ah in thup thu, thinphang tuk duh hlah uh, in seherh duh hlah’ ti`n ka sim.”

“Ka uu cun ‘kan lo ra hruai ding maw si’ in ti nan ‘ra hrimhrim hlah, lamziin ah ṭihnung a um, Seherh ding a um, curuangah ra hrimhrim hlah uh’ ka ti ih ‘awle awle’ in ti.”

“Cucu kan biakawk netabiknak a si. Cuhnu cun zianghman ka thei nawn lo. Athuhla tla kha mi nih in sim cawp mi si. Inn ka thleng cu ka uu ruak a rak um zo. Ka uu hi ka ui zet. Siangkhal ka siang lo. A pumpek awnak hi uang sawn ding cu ka si nan, ka ui tuk rori si” a ti.

Leave a Reply

Your email address will not be published. Required fields are marked *