Paralṭha CNDF ralkap Salai Shalom Siang Thang Lian in ram le miphun hrang a nunnak a hlan

Chin National Defense Force (CNDF) ralkap, Salai Shalom Siang Thang Lian in March 15 ah a duhdawt mi ram le miphun hrang a nunnak a hlan.

Amah hi rinsantlak Falam mino pakhat a si ih, kan ram a buai pek, lamzawh duhphorhnak an nei lai khalah hmasabik ah ṭan la in, ziangtiklai khalah ram le miphun hrang hmainor ngamtu paralṭha a si.

Ram le miphun hrang a pekawknak le nunnak a hlan mi par ah CNDF in a sangbik upatnak a pek ih, March 16 ah a hnuailam bangtukin Suunnak Capi an suah a si.

Paralṭha Salai Shalom Siang Thang Lian cun March 15 Kalay Thawnginn buainak boruak ah ram le miphun hrang a nunnak a hlan tiah kan thei.

Suunnak Capi (5/2022)
March 16, 2022

Chin National Defense Force (CNDF) ralkap, paralṭha Salai Shalom Siang Thang Lian @Van Dam (kum 28)cu March 15, 2022 ni ah amah ih tiamkamnak a tuah vekin ram le miphun hrangah a nunnak a hlan a si.

Miphun dothlengnak hrangih a pumpek-awknak parah CNO/CNDF in upatnak sangbik kan pe ih, tantami sungkua pawl thawn bangrep in kan tuar zet a si.

Chin paralṭha kan miphun ralkap Salai Shalom Siang Thang Lian @Van Dam, ram le miphun hrang na pum pekawknak le na ruahsannak pawl hi na tantami na ṭuanpi CNO/CNDF in kan hnglih dah lo dingih thahrum hmangin thuneihnak a cuhtu SAC ralhrang ralkap pawl an cimit ṭheh tiang kan run do ding a si tiah a feh liam zotu na ṭuanpi paralṭha pawl le na hmin sal in thu kan lo kam a si.

Leave a Reply

Your email address will not be published. Required fields are marked *