Palik le Ralkap in Hakha ih Pastor pakhat kai dingin an hawl

Hakha thlanmual ih meithal hmuhsuahmi thuthawn pehpar in SAC ralhraang in Hakha pastor pakhat kai dingin an hawl tiah theih a si.

“October 28 ah Hakha, Cawbuk veng ih RC thlanmual ah rinhleh um deuh mi Thlan pakhat an check ih a sungah meithal le ralthuam dangdang an hmu” tiah SAC ralhraang in October 29 ah thu an suah.

Ralhraang pawl ih thusuah mivek a si le Thlanruak ahcun zuunkhat meithal 17, PVC pipe thawn tuahmi kutden bomb 84 le cerek teilo angki 7 an hmu ti a si.

Meithal ralthuam hmuhsuahmi thuthawn pehpar in ralkap pawl in kiangkap naivai ih zirzoinak an nei lai ah rinhleh um deuhmi mipakhat an hmu ih thusut dingin an ko nan thinphang in a tlan.

Atlannak kiangkap an va zohkual tikah phone pakhat a thlaumi an hmusuak ih phone sung an zoh tikah phone neitu le zuunkhat meithal keng mino pawl an zukaw mi an hmu tiah October 29 ih ralhraang pawl thusuahmi ahcun an tarlang.

Phone neitu cu Cawbuk veng ih um Rev. Van cem a si tiah tarlang a si ih Thlanruak sungih meithal an hmumi pawl thawn pehparnak neitu a si ruangah Hakha palik le ralkap in kai dingin an hawl tiah kan thei.

Leave a Reply

Your email address will not be published. Required fields are marked *