Online ih Huatawknak thu Aukio pawl cu Chin ralkap pakhat in hitin a let hai

Rakhine ram ah phunhnam thu ih an rak buai lai ah buainak ti luar sin tu le mipi lung buai tertu cu online ih cathlahmi ruangah a si tiah UN lam in an rak phuang dah.

Online ih thuthang thlahmi tikhalah thuthang diklo, tumtah nei ih thlahhrimmi thuthang/video tvk ruangah a si ti a si ih, tuṭum, Chinram ih hung sotu SAC ralhraang do ding thu khalah phun le hnam huataw dingin online ah thuthang diklo thlah mi hmuh ding a tam zet.

Cumi khua pawl in cutin nan rak ti lo, kha mi khua pawl in khatin nan rak ti lo tiah mawhpuhawknak a tam zet ih online ahcun atakih ralhraang dotu Chin ralkap paralṭha pawl tiang dodalawk thluh dingah a ruattu an tam nan Chin ralkap pakhat cun mipi ruah nak vek a si lo zia hitin a tarlang.

“Tuzan cu Hakha pa.. Mara pa.. Thlantlang pa.. Paletwah pa.. Kalay ṭhang laipa.. Matupi pa.. thawn rawl kan ei tlang ih Online ah an ngan mi tete (Hate speech) kan rel khawm ih kan hni rero ta! Cumi ṭheh ah Hla kan sak, Thlakancam ih Thaisun kan theilo mi, kan hmu dah lo mi hrang ah thakhawl in itnak ah kan pan cio…” tiah atufang SAC ralhraang donak ih telvetu Chin ralkap paralṭha pakhat cun a FB cahmai ah a ngan a si.

Leave a Reply

Your email address will not be published. Required fields are marked *