Nupi thattu Pu Si Bik cu Palang kuai thawn a mahten a hliam aw

Thantlang : January 21 ih nupi satthattu Pu Si Bik cu palang kuai thawn a hngawng ah a at-aw ih siizung a thleng tiah theih a si.

“Nupi that ruangih kaihkhihtuar Pu Si Bik cu zunpawng tlan dingih a feh lai ah palang kuai thawn a hngawng ah a at-aw” tiah Thantlang palik zung ih ṭuanvonei U Kyaw Naing Oo in a sim ih “napin a hliamaw lo. A dam cih ko ding. A vuun lawng a at ngah” a ti.

Pu Si Bik hi Thinlung/Thluak lam buainak nei deuh tu sivekin theih a si ih a nupi Pi Biak Hnem thawn Fa 7 nei in Thlangtlang khua ih khawsa an si.

Kum 2020, Christmas boruak hrawng khan a umdan a pangai lo ti a si ih January 21 ah khan a nupi Pi Biak Hnem cu naamtong thawn a sat that. Buainak a suak hnu khalah tlanhlo tum loin Thantlang palik in an kai lohli thei.

Tuṭum, a hngawng a at-aw cu Palik kut sungih a um laifang ah a si ih zunpawng tlan dingih a feh lai, a mah lawng um lai fang ih thil thleng a si ruangah ziang duhsan in a at-aw! thataw a tum maw tvk khal theihcian a si lo.

Amah cu siizung lam ah an hruai cih tiah Thantlang media ṭhenkhat in an tarlang ih a hliamaw dan a natuklo ruangah a dam cih ding an zum tiah theih a si. (LawrKhawm)

Leave a Reply

Your email address will not be published. Required fields are marked *