Nikhat thil thu ah theihtham zetin Falam boruak a Hlum ciamco

Atufang Falam boruak cu kumdang hnakin 2021 kumthar thawkah theihtham zetin a hlum ciamco tiah nikhua tah zung ca suahmi ah hmuh theih a si.

Cuih ca ahcun kum 2019, January thla sung ih Falam boruak hlumbik cu 20.5 degree centigrade a si tiah tarlang a si ih a dailam cu 7.8 degree centigrade a si tiah an tarlang.

Kum 2020, January thla sung ih nikhua hlumbik cu 19.8 degree centigrade a si ih a dailam cu 8.4 degree centigrade a si.

Kum 2021, tuini January 7 tiang, Falam khua boruak hlumbik ni cu tlawngkai nikhat, January 4 a si ih a hlumlam 27 degree centigrade le a dailam 14 degree centigrade a si.

Tuikum January thlathok ih boruak umdan le liamcia kum 2, January thla ih boruak kan zoháš­him tikah tuikum hi a hlum cuang timi kan hmu thei.

Cuih tlunah January 3 ih Falam boruak hlumlam 24.5 degree centigrade, dailam 9.5 degree centigrade le January 4 ih khua hlumlam 27 degree centigrade, dailam 14 degree centigrade a simi kan taháš­him tikah theihtham zetin nikhua a hlum ciamco timi kan hmu thei.

Hih thuthawn pehparin tualsungum Salai Nhgepi in “Kum dang hnakin khuasik tikcu a sau lo. Tu ah korhlum hruk loin um a theih zo. Kum dang ahcun tu tikcu vekah Korhlum pipi ka hruh lai. Tu cu, korhlum kan hruk cun thlan lamlam a suak tum” a ti. (IPRD Falam)

Leave a Reply

Your email address will not be published. Required fields are marked *

error: hahahahahaha !!