Ni 3 sung ah Chin ramkulh pengṭhen 2 ah CDM tuah thar palik 22 um

Ni 3 sung ah Chin ramkulh pengṭhen 2 ihsin CDM tuah thar palik 22 an um tiah theih a si.

Cumicu Matupi pengṭhen ရေဇွာ, ရမ်ဆီ, လုံငိုး le Thantlang pengṭhen နှာရိန်း ih palik ṭuan an si tiah khuami hnen ihsin thuhla felfai theih a si.

“May 31 ihsin CDM an tuah thok ih mizaan le tuni khalah Palik dang an tel bet. Mitamsawn cu Chinmi an si. ရေဇွာ ah tla cun CDM tuahlotu palik 8 hrawng lawng an tang” tiah hminthup mipakhat in THT hnen ah a sim.

CDM tuah thar paliktlan pawl cu hmun him ah an thleng zo nan ei-bar ding tii-rawl an tlasam tiah theih si.

“CDM tuahtu palik pawl cun kei mah in pehtlaih ih thei tawk suahin kan ṭanpi. Tufang hi Furpi a si tikah umnakding hmun le ei-in ding an harsa ih humhimṭul dinhmun ah an um. Tufang an umnak hmun le mipaziat an um tivek cu in sim lo” tiah hminthup khuami pakhat cun THT hnen ah a sim.

Zuk : Remcangmi zuk hman menmi a si.

Leave a Reply

Your email address will not be published. Required fields are marked *