Nazi 15 sungah View tu Million khat an luan – Benjamin Sum in lungawi thu a sim

Benjamin Sum ih hlathar finghnihnak ဟိုဖက်အိမ်ကကောင်မလေး timi cu August 18 zinglam nazi 8:00 ah tlangzarh a siih, a thlah nak nikhat hman rei hlan ah a zoh/ngaitu million an kim ding tin, a fan pawl kan rak titii cia vekin a hla ngaitu/videozoh tu cu nazi 15 sung lawng ah million khat an luan taktak.

Himi thu ah, Benjamin Sum cun,” 1 Mill in 15 Hrs💙 We did a new Summer MV record again💙 ti`n a mai` official Facebook page ah a tarlang ih, hla phuahtu, music tumsaktu, Naw Phaw Eh Htar, music video director Ma Snow Mil, Harmonies laih saktu, music video cangsuak dingin tawlreltu an team za te hnen ah le a fan pawl hnen ah lungawi thu a sim.

ဟိုဖက်အိမ်ကကောင်မလေး official music video cu Facebook platform hmun 3 ah le a mai` youtube channel ah upload a si ih, an thlah nak nikhat kim nak ding nazi 7 duh ah, a view tu 1057,449 (Youtube ta siar tel lo in) an um zo.

Benjamin sum cu Myanmar Idol season 4 zuamnak ihsin Myanmar pumhuap ah a hminthang mi a siih ဟိုဖက်အိမ်ကကောင်မလေး hlan ah pakzai hla fingkhat a rak suah dah zo. Cumi hla khal cu kawl ram pumhuap in a lar ih JOOX Myanmar ah kum hrek sungih hlasakthiam larbik dinhmun ah a ding a si.

ဟိုဖက်အိမ်ကကောင်မလေး Official Music Video

Leave a Reply

Your email address will not be published. Required fields are marked *