Nauhak Bible Tlaawng ong an tum

UK ram ih timlam mi le hman rero zo mi “Nauhak Bible Tlawng” (Children Bible Correspondence) hi Leitlun ram 60 lenglo ah ṭawng phunphun in letin hlawhtling zetin an zir.

Kum 4 ihsin kum 14 tiang zarh khat lesson pakhat zir dingih tuah mi a si. Thukham Hlun le Thukham Thar sungih Milai mizia le Thuhlawm ṭha taktak hmangih zir dingih tuah mi a si. English khalin zir theih ringring.

Inn ah mahte khalih zir theih, cun a bur khalin saya/sayama khalin zirh theih, nu le pa khalin fate Bible thawn zirter theih a si.

Bible zoh tengteng a ṭul. Kan fale kum 4 ihsin himi Bible zirnak an zir a si ahcun, Bible cu an thei lawlaw ding. Sual lamah an fehpeng lo ding, tiah zumnak a um. Cuih Bible zirnak cu free a si.

Website khalah ret a si ding ih, cabu khalih suah a si ding. Cuih nauhak Bible tlawng cu a rei hlanah kan Kawlram khalah Kawl ṭawng le Lai ṭawng in zir theih a si thlang ding. September thla cun zir theih a si thlang ding.

Na fale Pathian thu ih ṭhansonak ding lamzin a um. Innsang ah siseh, kawhhran ah siseh nauhak Bible zir ding a um thlang ding. Zir theih a si thlang tikah zingzawinak ding hmunpawl le a tidan ding kan than leh ding.

Website ta download theih ringring a si ding. Nu le pa in discipline nei ih kan fale kan zirter ding a thupi zet ding.

Timothy Sui Lian Mang

Leave a Reply

Your email address will not be published. Required fields are marked *