Myanmar : Covid 19 case 741 cu Yangon Airport ih Hnaṭuan Numi a si

Tu zing, Myanmar ramsung Covid 19 mina hmuthar mi ih case number 741 cu Yangon Airport ah security hnaṭuan mi a si tiah theih a si.

A mah hi kum 26 numi a siih, August 27 ni, a hnaṭuan lai ah nuamsam loin a um ruangah siikhan lam pan pi a siih, a natdan pianhmang rinhleh a um deuh ruangah Insein siizung ah kilkhawi in zoh ṭhat mi a si.

Hih thuthawn pehpar in မြောက်ဥက္ကလာပ hluttdaw palai U Myint Lwin cun “a nih hi August 27 in hnaṭuan a lut sal. Cuih ni ah nuamsam loin a um ih Insein siizung ah an kuat hnu ah Covid 19 nat a nei mi an hmusuak a si.”

“Case 741 cu mina thawn hnuaihnih awknak nei mi khal a si lo ih, ramleng khualtlawng mi khal a si lo. Nathrik a kainak cu Vanzam thawn ramleng ih um, kawlram mi va phur tlung mi lak in khal a si thei ih, Rakhine ram in Vanzam ralut mi khal in a kai thei a si” a ti.

Case 741 cu မြောက်ဥက္ကလာပမြို့နယ်၊ ကျောက်ရေတွင်း veng ih ummi a siih a mahthawn neihaw deuh ih ummi mipum 15 pawl khal Quarantine an lut ter zo ih a umnak veng sung khal nahrik thatnak sii an kap zo tiah theih a si.

Kan ram Harhdamnak le Lehpannak zung in 2020 August 30 zing nazi 8:00 ih thu a than mi ih Covid – 19 mina thar 16 thawn, tu ah, Myanmar ramsung ah Covid 19 mina 749 an um zo ih, cu pawl lak ihsin mi 6 thi in mipum 351 an dam sal a si.

ref:DW

Leave a Reply

Your email address will not be published. Required fields are marked *